Quiltelagsdamer på besøk hjå Desiree
Luster Quiltelag på medlemstur
Tidleg ein laurdagsmorgon starta 10 damer køyreturen. Me reiste frå Hafslo kl. 8 og var framme i Førde kl. 10. Då smakte det med ein kopp kaffi!
Etter nokre timar med handling gjekk ferda vidare til Sande der me hadde avtale med Desiree. Skal sei det var litt av ein «stoffverden» me kom til. Der var rom etter rom med stoffreolar på alle veggar. Desiree demonstrerte Wedges ruler og Angelina for oss. Når me hadde vore der i 2 timar var det på tide å køyre til fergekaia på Dale. Ved 19 tiden booka me inn på Askvoll Fjordhotell.
Der blei me møtt av ei i resepsjonen som ytte full service. På rommet låg det stoffblomster til oss som ei flott velkomsthelsing.
Sundagen starta med ein deileg frukost. Ved 11 tiden reiste me til Askvolhallen og registrerte oss. Der blei me møtt av tepper som hang ute og blafra i vinden. Hallen var pynta til quiltetreff og treffet var vellukka med mange butikker, føredrag av Trine Tolfsby Bakke, stor utstilling, lotteri, god betasuppe og nydelege kaker. Me reiste frå Askvoll ved 4 tiden. Alle var einige i at me hadde hatt ein flott tur!
Sjå i bildearkivet, der ligg det flotte bilete frå turen.